OMPONA ULENG-NGE

1 ompona Uleng nge

1 ompona ulengnge esso Anyarang Aseng na

Iyyena jelloi  esso ripancajinna Nabi Adam.

ana-ana jaji malampe sunge’i

Maloppo pangkaukengna pegaui passurona Puang nge,

matturu’i ripajajianna, 

masempo dalle’i

Majia yappanoreng bine,

Majia isaureng tennung iyare’ga yappatettongeng Bola

2 ompona ulengnge

2 ompona ulengnge esso jonga asenna

najajiangngi ana’ pertama, maupe’i, yakko makkunrai wi anaE masiga mallakkai, na mawija apa iyanaritu naripancaji neneta Hawa.

agi-agi ripegau madeceng manengngi,

Makessing ri atuppui jokka sompe nasaba madeceng rilaongeng sompe’na

3 ompona ulengnge

3 ompona ulengnge esso macan aseng na

Majia yappabbottingeng,

Majia yattanengeng,

Majia yappatettongeng Bola

Majia yappanoreng bine,

Majia yappamulang Mattanengeng,     rilaongengngi runtukki’ lasa.

Ana-ana jaji madorakai ripajajianna,

maja’i riattuppungeng lao sompe nakennai sukkara,

iyana wettuE naripassu’ Adam-Hawa pole ri surugana Puang Allah Ta’ala.

4 ompona ulengnge

4 ompona ulengnge esso meong asengna

Iyyanae esso yakko Najajiangngi ana’ oroane madeceng,

madeceng yappanoreng bine,

madeceng yappammulang balu’-balu’,  

madeceng yappabbottingeng sibawa yattanengeng.

5 ompona ulengnge

5 ompona ulengnge esso tedong aseng na

Rekko nakennaki lasa maladde’i,

agi-agi ripugau maja manengngi ritu,

anana’ jaji madorakai.  

Iyye na wettue Wettu natelleng lopinna Nabi Nohong AS.

6 ompona ulengnge

6 ompona ulengnge esso balao aseng na .

Madeceng rilaongeng sompe’,

Madeceng yappabbottingeng,

Madeceng yangelliang olo’-kolo’,

nenniya yappanoreng bine.

7 ompona ulengnge 

7 ompona ulengnge esso bale aseng na

Maja tomminreng,

narekko nakennaki’ lasa maladde’i,

madecengmi yonroi mebbu parewa pakkaja.

8 ompona ulengnge

8 ompona ulengnge esso saping aseng na

Medeceng yappabbottingeng.

Rekko ateddengengngi’ masitta’ moi iruntu’.

9 ompona ulengnge

9 ompona ulengnge esso asu aseng na

Rilaongengngi wanua runtukki’ abala,

maja yappatettongeng bola

iyakkiya madeceng yonroi   massinge’.

10 ompona ulengnge

10 ompona ulengnge esso naga aseng na

Najajiangngi ana’ mancaji ana’ maupe’ namasempo dalle’,

nakennaki’ lasa magatti’mui paja,   

makessing rilaongeng sompe sibawa matteppang bibi’ ri pangempangnge.

11 ompona ulengnge 

11 ompona ulengnge (esso macang). 

Madeceng rilaongeng wanua, 

Madeceng yenrekeng mekkah, 

Madeceng yappammulang balu’-balu’, 

makessing narekko    engka anana’ jaji masempo dalle’.

12 ompona ulengnge 

12 ompona ulengnge (esso nyarang). 

Madeceng rilaongeng makara-kara ri kantoro’e pakalaki’, 

madeceng riyabbolang iyare’ga    yappammulang balu’-balu’.

13 ompona ulengnge

13 ompona ulengnge (esso gajah). 

Agi-agi rijama maja manengngi ritu, 

laoki’ ri wanua runtuki’ lasa karing.

14 ompona ulengnge

14 ompona ulengnge (esso saping). 

Madeceng yappammulang balu’-balu’, 

Madeceng yappatettongeng bola

Madeceng  yappabbottingeng, 

rekko malasaki’    masitta’ paja. 

Iyyena Esso najajiangengnge Nabi Sulaiman AS.

15 ompona ulengnge 

15 ompona ulengnge (esso bembe’). 

Maja yappatettongeng bola nasaba tennasalai lasa bolata 

Majia yappatuppungeng lao sompe 

naiyakia anana’ jaji    makanja’ tapi matengnge’ totona kawing / botting

16 ompona ulengnge

16 ompona ulengnge (esso bawi). 

Madeceng yonroi taneng anu lorong-lorong, 

agi-agi rijama maja maneng ritu, 

madeceng toi yonroi    mebbu sipu doi (tabungeng).

17 ompona ulengnge

17 ompona ulengnge (esso jarakania). 

Madeceng rilaongeng sompe’, 

madeceng rilaongeng madduta, 

rilaoang tau mapparentae,    

malasaki’ magatti’ paja sibawa ateddengeki’ magatti’ iruntu’.

18 ompona ulengnge

18 ompona ulengnge (esso saping). 

Madeceng rilaongeng sompe’, 

jajiang ana’ makessing rupa. 

Esso ri ebbuna majanna ulengnge.

19 ompona ulengnge

19 ompona ulengnge (esso ceba). 

Madecengngi yappammulang balu’-balu’, 

rilaoang wanua 

rekko  najajiang ana’ masempo dalle’i.

20 ompona ulengnge

20 ompona ulengnge (esso walli). 

Madeceng rilaoangeng madduta itarimaki’ Insya Allah, 

najajiangngi anana’ malampe sunge’i,    

masempo dalle namanyameng kininnawa toi lao ri padanna ripancaji. 

Iyana esso najajiangngi Nabi Ismail AS.

21 ompona ulengnge

21 ompona ulengnge (esso macang). 

najajiangi anana’ madorakai ri Puangnge, 

maja yappabbottingeng naiyakkiya madeceng    yappammulangeng lanro bessi.

22 ompona ulengnge

22 ompona ulengnge (esso tau). 

Esso ripancajinna malaeka’e, 

madeceng rilaoangeng sompe’,

 rilaongeng mammusu pakalaki’, 

idi’    rilaoi rikalaki’, 

agi-agi rijama madeceng maneng 

rekko malasaki’ masitta’mui paja.

23 ompona ulengnge

23 ompona ulengnge (esso ula). 

Madeceng riappatettongeng bola, 

Madeceng yappabbottingeng, 

Madeceng yappasangeng belle, 

maja yappanoreng bine,    

madeceng yonroi melli pakeang namasitta’ tattamba.

24 ompona ulengnge

24 ompona ulengnge (esso pari). 

Maja yappabbottingeng maponco’i, 

madeceng yonroi lati arung, 

esso najajiangnge Fir’aun, 

natoa’i    bale Nabi Yunus AS. 

maja narekko anana’ jaji.

25 ompona ulengnge

25 ompona ulengnge (esso nyarang). 

Maja rilaoang sompe’ mateki’ rilaotta, 

Majia riappabbottingeng maponco’i, 

majai rilaoang mabbalu’,    

esso najajiangngi Iblis, 

najajiangngi anana’ madorakai.

26 ompona ulengnge

26 ompona ulengnge (esso serra’). 

Madeceng rilaoang sompe’, 

Makessing ngi riangelliang, 

madeceng yappabbottingeng rekko najajiangngi anana’ malampe    sungei.

27 ompona ulengnge 

27 ompona ulengnge (esso uleng). 

Najajiangi anana’ maraja taui ri padanna ripancaji ri Puangnge, 

makessing riappanoreng bine    sibawa mabbalu’-balu’.

28 ompona ulengnge 

28 ompona ulengnge (esso kalapung). 

Madeceng yonroi mebbu parewa pakkaja, rilaoang, 

Madeceng yappabbottingeng sibawa    yattaneng-tanengeng.

29 ompona ulengnge

29 ompona ulengnge (esso ati). 

Makessing rilaoang madduta, sompe’ cabigi, 

najajiangngi anana’ pallasa-lasangngi.

30 ompona ulengnge

30 ompona ulengnge (esso panning). 

Madeceng yappammulang dangkang, 

Madeceng ngi mattaneng-taneng, 

narekko rilaoangi wanua wettu assara’pi,    

najajiangi anana’ matinului pigau’ pasuroanna Allahu Ta’ala nenniya duae pajajianna. 

Iyana wettu ripancajinna esso wennie.